തുരുത്തിക്കാട് ബി എ എം കോളജിന്റെയും ഹരിത കേരള മിഷന്റെയും നേതൃത്വത്തിൽ കോളേജിൽ പച്ചതുരുത്ത് സ്ഥാപിച്ചു. ബി എ എം കോളേജ് പ്രിൻസിപ്പൽ ഡോ.അനീഷ് കുമാർ ജി എസ് ചടങ്ങിൽ അധ്യക്ഷത വഹിച്ചു. കല്ലുപ്പാറ ഗ്രാമപഞ്ചായത്ത് പ്രസിഡന്റ ശ്രീമതി ഗീത ശ്രീകുമാർ കിളിനാങ്ക് തൈ നട്ടുകൊണ്ട് ഉദ്ഘാടനം നിർവഹിച്ചു.
"സംസ്ഥാന സർക്കാരിന്റെ ഒരു തൈ നടാം ഒരുകോടി തൈ നടാം" ക്യാമ്പയിന്റെ ഭാഗമായിട്ട് കോളജ് എൻ എസ് എസ് യൂണിറ്റ് , നേച്ചർ ക്ലബ്ബ്, ഭൂമിത്ര സേന എന്നീവയുടെ നേതൃത്വത്തിൽ പ്രവർത്തനങ്ങൾ ഏറ്റെടുത്തു.
വംശനാശ ഭീഷണി നേരിട്ടുകൊണ്ടിരിക്കുന്ന കിളിനാങ്ക്, കൽമണിക്യം, ചുവന്ന അകിൽ,പൂതം കൊല്ലി, വെള്ളപ്പയിൻ, കമ്പകം,നാട്ടുമാവ് എന്നീ വൃക്ഷതൈകളാണ് നട്ടുപിടിപ്പിച്ചത്. തുടർന്ന് "പരിസ്ഥിതി പുനസ്ഥാപനവും വൃക്ഷവത്ക്കരണത്തിന്റെ പ്രാധാന്യവും" എന്ന വിഷയത്തിൽ വിദ്യാർത്ഥികൾക്ക് ഹരിത കേരളം മിഷൻ ആർ പി പാർത്ഥൻ എസ് ക്ലാസ് നൽകി.
ഡോ. റോബി എ ജെ, ഡോ. ഗീത ലക്ഷ്മി, ഡോ. ബിന്ദു എ സി, ഡോ. ഐൻസ്റ്റീൻ എഡ്വേർഡ് , ഡോ. നീതു ജോർജ്ജ്, ഡോ. എബി ജോസഫ്, ഡോ. എബ്രഹാം കുര്യൻ, സുനിത കൃഷ്ണൻ എന്നിവർ സംസാരിച്ചു.
വാട്സാപ്പ് ചാനൽ സബ്സ്ക്രൈബ് ചെയ്യുക. 
ടെലഗ്രാം ചാനൽ സബ്സ്ക്രൈബ് ചെയ്യുക. 